Sagardi Group - Sagardi Group

Jatorriko gastronomia

Sagardi Group 1994an jaio zen sustrai gastronomikoak bilatzeko xedearekin eta kalitate handiko benetako proposamen sendoak eskaintzeko. Azken urte hauetan sukaldaritzaren munduan ospe handia lortu duen erreferente gisa finkatu dugun proiektua da. Hasiera batean kalitatezko euskal sukaldaritzan espezializatu ginen, eta gaur egun beste kultura gastronomiko batzuetara ere zabaldu gara.

25 urte baino gehiagoko eskarmentua

Proiektua Iñaki eta Mikel López de Viñaspre anaiek hasi zuten, Bartzelonan lehen jatetxea ireki zutenean hirigune historikoan: Irati, euskal gastronomia originalaren kontzeptuen hazia. Ordutik aurrera, eboluzionatuz eta haziz joan gara, eta nazioartean zabaltzen ari den proiektu eta estatuko esparru gastronomikoan erabat ezarrita dagoen marka bihurtu gara. Izan ere, estatuan 15 marka eta 30 jatetxe baino gehiago ditugu.

Produktua

Urte hauetan zehar harreman berezia landu dugu, eta tokiko kontaktuek eta ekoizleek osatutako sare trinko bat sortu dugu. Harreman hori profesionaltasunetik haratago joaten da, guztion elkargunea produktuaren bikaintasuna eta purutasuna izanez, hori baita gure sukaldaritzen benetako gakoa. Hori nazioarteko esparrura zabaltzen da gure produktu paregabea esportatuz eta jatorrizko herrialdearen antzeko hurbileko sarea sortuz.

Produktua

Lurretik eta itsasotik mahairaino

Sasoiko produktuak erabiltzen ditugu, haien garairik onena aprobetxatzeko eta zaporerik handiena dutela ziurtatzeko. Tokiko ekoizleekin lan egiten dugunez, gure aztarna murrizten dugu eta, ondorioz, mahaian jartzen dugun guztiaren freskotasuna eta kalitatea bermatzen ditugu. Ekoizle jakitun horiek gure bezero eta lagunengana hurbiltzea da gure eguneroko lanaren eginkizun nagusia.

Lurretik eta itsasotik mahairaino

Mahaia partekatzea

Zalantzarik gabe, gastronomia funtsezkoa da euskal kulturan. Babeslekua da, non familiak eta lagunak mahai baten inguruan biltzen diren bazkari on batez gozatzeko eta partekatzeko. Erritu preziatu honek loturak indartu eta oroitzapen iraunkorrak sortzen ditu. Guretzat ez dago mahai batean partekatzeko esperientzia gainditzen duen ezer.

Mahaia partekatzea

Euskal gastronomiaren enbaxadoreak

Basquetour markako Euskadi Gastronomika sarearen parte gara, bazkide estrategiko gisa. Kontzeptu hori ezin hobeto egokitzen zaio Sagardi Group taldearen xedeari; izan ere, betiko euskal sukaldaritza berreskuratzeko jaio zen, gero mundura esportatzeko. Gaur egun harro gaude Sagardi jatetxeek munduko hainbat hiritan euskal sukaldaritza dastatzeko aukera ematen dutelako.

Euskal gastronomiaren enbaxadoreak

Zabaltzeko bidean dagoen proiektua

Sagardi Group taldearen negozio-eredua gure jatetxeak guk geuk kudeatzean oinarritzen da. 2008an hasi ginen nazioartean zabaltzen, eta Atlantikoa zeharkatu genuen Buenos Airesen gure lehen jatetxea irekitzeko. Gaur egun, Porton, Londresen eta Amsterdamen ere gaude, eta munduko hiriburu gastronomikorik nagusietan jatetxe berriak irekitzea aurreikusten dugu.

Sagardi Group taldearen nazioarteko garapena tokiko bazkide inbertitzaile batekin “joint venture” bat sortuz egingo da. Ez dugu ez frankiziarik ez lizentziarik eskaintzen. Gure helburua helmugako herrialdean enpresa bat sortzea eta gure proiektua osatzen duten markak ezartzeko sukaldaritzako taldea garatzea da.

Informazio gehiago eskatu